O teatro ribadense encheuse de público no concerto de Semana Santa que ofreceu onte, domingo, a Banda Municipal de Música de Ribadeo que estreou dúas pezas.
A Banda ribadense, dirixida por David Ballester Martínez, interpretou por primeira vez nesta actuación Where de sun breaks trhrough the mist, de Michale Sweeney; e Hallelujah, de Leonard Cohen. Ademais ofreceron as pezas Adagietto for flute, de Ted Huggens, na que actuou como frauta solista Paula Pérez Conde; Adiós Nonino, de Astor Piazzolla; The Lord of de Rings, de Ralph Ford; Célebre Adagio, de Tomaso Albinoni; Getsemaní, de Ricardo Dorado; e La Madrugá, de Abel Moreno.
O próximo concerto programado pola Banda Municipal de Música de Ribadeo será o que se celebra cada no para conmemorar o Día das Letras Galegas. Está previsto para o día 7 de maio, ás 20:30 horas no Teatro ribadense.
